နိုင်ငံတော်သမ္မတသည် ပါတီစုံဒီမိုကရေစီအထွေထွေရွေးကောက်ပွဲများ အောင်မြင်စွာ ကျင်းပနိုင်ရေးအတွက် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၃၉၈၊ ပုဒ်မခွဲ (က)၊ ပြည်ထောင်စုအစိုးရအဖွဲ့ ဥပဒေပုဒ်မ ၉၊ ပုဒ်မခွဲ (င) တို့အရ အောက်ပါပုဂ္ဂိုလ်များ ပါဝင်သည့် “ ပြည်ထောင်စုရွေးကောက်ပွဲကော်မရှင် ” ကို နိုင်ငံတော်သမ္မတရုံး၏ ၃၀.၃.၂၀၁၁ ရက်စွဲပါ ကြေညာချက်အမှတ် (၅/၂၀၁၁) ဖြင့် ဖွဲ့စည်းပေးခဲ့ပါသည် -

ပြည်ထောင်စုရွေးကောက်ပွဲကော်မရှင် အတွင်းရေးမှူး အဖြစ် ပြည်ထောင်စုရွေးကောက်ပွဲ ကော်မရှင်ရုံး၊ ညွှန်ကြားရေးမှူးချုပ် ဦးဝင်းကိုမှ ဆက်လက်တာဝန်ထမ်းဆောင်ခဲ့ပါသည်။

                နိုင်ငံတော်သမ္မတသည် ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးသာဦး၏ မိမိဆန္ဒအလျောက် နုတ်ထွက်ခွင့် ပြုပါရန် တင်ပြချက်အရ ၅.၆.၂၀၁၂ ရက်နေ့မှစ၍ ကော်မရှင် အဖွဲ့ဝင်အဖြစ်မှ နုတ်ထွက်ခွင့်ပြုကြောင်းကို နိုင်ငံတော်သမ္မတရုံး၏ ၂၀၁၂ ခုနှစ်၊ ဇွန်လ ၅  ရက်စွဲပါ အမိန့်အမှတ် (၁၃/၂၀၁၂) ဖြင့်လည်းကောင်း၊ ဦးဝင်းကိုအား ၂၇.၈.၂၀၁၂ ရက်နေ့မှစ၍ ပြည်ထောင်စု ရွေးကောက်ပွဲကော်မရှင်အဖွဲ့ဝင်အဖြစ် တာဝန်ပေးအပ်ကြောင်းကို နိုင်ငံတော်သမ္မတရုံး၏ ၂၀၁၂ ခုနှစ်၊ သြဂုတ်လ ၂၇ ရက်စွဲပါ အမိန့်အမှတ် (၂၀/၂၀၁၂) ဖြင့်လည်းကောင်း ထုတ်ပြန်ကြေညာခဲ့ပါသည်။ ပြည်ထောင်စုရွေးကောက်ပွဲကော်မရှင်ရုံး ညွှန်ကြားရေးမှူးချုပ် ဦးတင်ထွန်းအား ပြည်ထောင်စု ရွေးကောက်ပွဲကော်မရှင် အတွင်းရေးမှူးအဖြစ် တာဝန်ပေးအပ်ကြောင်း နိုင်ငံတော်သမ္မတရုံးက ၂၀၁၃ ခုနှစ်၊ ဧပြီလ ၁၁ ရက်စွဲပါစာအမှတ်၊ ၁၁၈ ( ၁ ) / ၈ / သမ္မတရုံး ဖြင့် အကြောင်းကြားခဲ့ပါသည်။

              နိုင်ငံတော်သမ္မတသည် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၃၉၈၊ ပုဒ်မခွဲ (ခ)၊ ပုဒ်မခွဲငယ် (၈) နှင့် ပြည်ထောင်စုရွေးကောက်ပွဲကော်မရှင် ဥပဒေ ပုဒ်မ ၃ တို့ပါပြဌာန်းချက်များအရ နိုင်ငံတော်သမ္မတရုံး၏ ၂၀၁၅ ခုနှစ်၊ ဧပြီလ ၃ ရက်စွဲပါ အမိန့်အမှတ် (၁/၂၀၁၅) ဖြင့် အောက်ဖော်ပြပါပုဂ္ဂိုလ်များအား ပြည်ထောင်စုရွေးကောက်ပွဲကော်မရှင်အဖွဲ့ဝင်များ အဖြစ် ထပ်မံခန့်အပ်တာဝန်ပေးအပ်ခဲ့ပါသည် -

( ၁ )    ဦးအင်ဇော်နော်

( ၂ )    ဦးစိုင်းခမ်းဝင်း

( ၃ )    ဦးစောဘလှိုင်

( ၄ )    ဦးဟာကီး

( ၅ )    ဒေါက်တာမောင်မောင်ကြည်

( ၆ )    ဦးစိုင်းနွံတောင်း

( ၇ )    ဦးစိုင်းထွန်းသိန်း

( ၈ )    ဒေါက်တာစိုင်းစံဝင်း

ထို့ကြောင့် ပြည်ထောင်စုရွေးကောက်ပွဲကော်မရှင် ဥက္ကဋ္ဌ၊ အဖွဲ့ဝင်များ၊ အတွင်းရေးမှူး စုစုပေါင်း (၁၆) ဦးမှာ အောက်ပါအတိုင်း ဖြစ်ပါသည် -

               ကော်မရှင်ဥက္ကဋ္ဌ ဦးတင်အေး နှင့် အဖွဲ့ဝင်များပါဝင်သော ပြည်ထောင်စုရွေးကောက်ပွဲ ကော်မရှင်သည် ၂၀၁၅ ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲကို ဥပဒေနှင့်အညီ အောင်မြင်စွာ ကျင်းပပေးခဲ့ပါသည်။